تـخينة .. رفيعـة .. سمرا .. شقرا .. طويلة .. قصيرة ..

 بقلم : نور الكنانى 

! ايآ كان انتى مين فيهم .. ايآ كانت ملامحك .. انتى جوا منك ميزة مش موجودة فـ اى وحدة انتى منك لمحة خفية جوا قلبك من السعادة او حتى حزن انتى غيرهم بشخصيتك ..

 تشابهت الاشكال والملامح هيفضل جوا كل واحدة حاجة تفرق عن التانية .. اخلاقك وحياءك بيفرقك عن غيرك .. شخصيتك وطريقة التفكير بيتفرقك بردو عن غيرك .. عمره مكان الشكل هو العامل الاساسى انك تحسى بجمالك .. لالا ابدا جمالك ده حاجة جواكى ميعرفهاش ولا يكتشفها غير الى بيحبوكى عشانك عشان انتى وبس . ( ونقطة ومن اول السطر هقولك ...) انا مش حلوة كفاية لى زيها !! ..هى اجمل منى لى .

. انتى عارفة هى لى حلوة فـ عينك حتى لو كانت ابسط خلق الله .. لان ببساطة هى واثقة فـ نفسها ملامحها هادية ورقيقة وبسيـطة اوووى الثقة الى انتى فقدتيها عجبتك وسط ملامحها .. الجمال بالنسبة لكتير بيكمن فـ الشكل .. غلط كبير الى بيدور على الجمال والشكل عمره مهيشبع .. يابنات حوااء .. الثقة اهم حاجة فـ شخصيتك طول ماانتى واثقة فـ نفسك وشخصيتك كله هيبصلك بنظرة مختلفة نظرة محلها لمعة عينك وانتى ماشية بين الناس مرتاحة وراضية عن كل مللى فيكى لانك ببساطة واثقة فـ شخصيتك وملامحك الى خلُقتى عليها ... حلوة وحشة تخينة رفيعة بيضا سمرا ..

 لو فـ يوم حبيتى تغيرى حاجة فـ نفسك غيرى منها عشان نفسك وغيرى الى تشوفيه يعيبك مش الى خٌلقتى عليه .. جمالك فـ بساطتك ورضاكى عن ملامحك وفطرة حلوة خٌلقتى عليها .. مش ميك اب هو الى هيخلينى حلوة عشان اثق فـ نفسى ولا الكعب هو الى هيـخلينى بنوتة طويلة وواثقة فـ نفسها .. ابدااا مفهوم غلط ..

غيرى وغيرى بس غيرى من حاجات شيفاها لتصلح لبنوتة مسلمة صح غيرى عشان تكونى شخصية متزنة وفاهمة حاجات كتير صح .. وسيبى شكلك ع حاله عشان انتى جميلة بطبيعتك وجميلة ببساطة خٌلقتى عليها......