نور الكنانى تكتب خاطرة بعنوان : اختلاف

اختـلاف ..

 

متبـصش دايما لحد وتحـاول تقلـده فى حـياته فى طريـقة تفكيره حتـى فى كـلامه .. خليك انت على طبيعتك متـحاولش تبقى شخص مصطنـع او بتـحاول تقلـد ده ولا ده كل واحد ليه فكره وشخصيته وطباعه مهما حاولت مش هتقدر تغير كل حاجة فيك عشان تبقى نسخة تانية من شخص مشهور او انت عاجبك شخصيته .. هعيش طول عمرك تُعجب بفكر الناس .. وتقلد دول ودول وفى الاخر هتلاقى نفسك ولا حاجة مش عارفة انت ايه ولا بتـحب ايه .

. متدورش على الحاجات الى شايف ان بقربك ليها هتجملك وتخليك شخص واوا مفيش منـه اتنين .. غلط انت فى منك فى منك الى انت قلدتهم علشان شايف ومبهور بنجاح او شهرة حققوها فى حياتهم .

 مش عيب ان الـواحد يحب انه يحقق حاجة كويسة فى حياته بس العيب انه يبقى بعمل حاجة بناءً على تقليد من حد تانى . دايما خلى هدفك قدام عينك اثبت لنفسك انك تقدر تحققه عشانك انت وبس ..

 

انت الى تستحق تحس بطعم النجاح على الاقل يبقى فى حاجة فى حـياتك تعبت عشان تحققها متضيعش وقتك فى الفرجة على غيرك وهو بيحقق اهدافه وانت مستنى تبقى زيه . هتبقى زيه ازاى وانت حـاجب عن نفسـك التفكـير فى حاجة غير الى حواليك .. ركز وشوف انت عاوز ايه اللحظة الى بتعدى مينفعش ترجع متفضلش تأجل حـاجات فى حياتك وتقول بكرة اعملها لما ابقى افاضى هعملها لحد متجيلك اللحظة الى تتمنى ترجـع كل الى فـات وتعـمل كل حاجة ندمت عليها متوصلش نفسك لمرحلة الندم الى اصلا مش هتفيدك بحاجة فى الاخر لان ببساطة هتكون كل حاجة انت ضيعتها واجلتها ..

 ادى لنفسك حق فى حياتك النهاردة فى اللحظة الى بتعيشها دى لانها مش هتتعوض تانى . لو فضلت واقف مكانك مبتعملش حاجة غير الفرجة على الناس هتعدى عليك سنين وهتتفاجىء انك معملتش اى حاجة فى حياتك ..

 خلى فى اختلاف فى حياتك عشها ببساطة من غير قيود فرح نفسك فى كل لحظة تعدى عليك وخود حقك منها عشان الى بيعدى مبيرجعش تانى

بقلم : نور الكنانى