- بعنــــوان كـــــل حاجــه

تكتب : زينب سعد قصيده بعنوان (كل حاجه)

كل حاجه فيها منك
الوشوش بتحكى عنك
الكلام بيرسم ملامحك
والروايح ذكرياتك
الحاضر والأتى بيعشقك
بربيعك وخريفك بندهك
كل حاجه فيها منك
القمر ده سحره زيك
البحر موجه ف اسمك
حتى الجبل ثبوته منك
وكفايه اعيش ف حضن رمشك
صوتك رعشه بتسرى فى قلبي
بحنيته بينده اسمى
بشتقله مع انه لسه ف سمعى
كل حاجه فيها منك
باختصار بحبك انت
انت حلمى جوه بردى
انت أملى هأموت وأعيشه
اه لو تسمع شعر قلبي
كنت قلت من زمان وانتهى كل الكلام
من الاخر كل حاجه هيه انت
‪#‎zeinab_saad‬