بقلم : ندا مدحت
تعالوا نشوف كام مره قلبنا اتكسر ، كام مره اتوجعنا والسكوت كان الحكم ،
كام مره تعبنا من اللى بنحبهم ودمعه نزلت هونت اللى حصل ، كام مره قولنا كفايه وبمجرد كلمه حلوه نسينا الوجع .. بنحط ادينا على قلبنا ونقول ده القدر قدر ايه اللى يحكم باننا على طول اللى نتظلم ، قدر ايه اللى يخليك تحب حد مش معبرك ، قدر ايه اللى يخليك بتشترى دايما اللى بايعك ، قدر ايه اللى يخليك مش واخد بالك من اللى بيحبوك وانت بتصرفاتك وعدم اهتمامك بيهم بتغرس سكينه فى قلبهم وبالرغم من كده بيحبوك تعالوا نفكر بقى هما الناس اللى احنا تعبانين علشانهم لو بيحبونا كنا هونا عليهم واحنا زعلانين ومكسورين وعيونا مليانه دموع طبعا الاجابه لا لو بيحبونا ربع حبنا ليهم ماكانوش قدروا اصلا اننا نكشر اصلى اللى بيحب مش بيحب يشوف حبيبه مكشر الا فى حاله واحده انه يبقى بيغير علبه ساعتها بتبقى احلى تكشيره لو هما بيحبونا فعلا كانوا يعملوا اى حاجه علشان تفرحنا ده اللى ببحب ممكن عمل اراجوز علشان يضحك حبيبه وقت حزنه والمشكله اننا عارفين الاجابه وبنكذب على نفسنا ونقول الحب عذاب ، الكلام مش مقتصر على حبيب وحبيبه ،لا لو احنا شوفنا اللى حوالينا كويس هنلاقى ممكن الصاحب يقول لصاحبه نكته لمجرد انه يخفف عنه او ممكن يزعل لزعله . بس تعالوا نفتح صفحه جديده مفيهاش شخبطه على الجرح ، مفيهاش شخبطه على الظلم ، مفيهاش شخبطه على الحزن. زعلان صارح. لو وصلت للحظه انك هتتنازل وتخبى دمعتك علشان تفضل مع اللى بتحبه وتبدا تشخبط على الظلم والجرح وتنساهم ، لا اقف واقول لنفسك لو بيحبونى اصلا مكنوش عملوا كده وساعتها هتلاقيهم ندمانين على اللى عملوا . لو حتى مندموش انت كسبت نفسك وهما اللى خسروك خده شعار فى حياتك "اللى بيحب عمره ما هيخلى اللى بيحبه ينزل دمعه" اصل الدمعه بدايه بركان اخره الفراق وشعاره عدم التقدير كفاية ..
