بقلم : ندى مدحت
كتير بنتكلم اننا نخلى حوالينا دايما اللى بيحبونا طب تعالوا نتكلم عن اخلاصنا وتقديرنا للى بيحبونا دايما الناس بتقول خد اللى بيحبك ومتخدش اللى بتحبه وكتير منا بياخد بالمثل ده وعلى اساسه يقولولك انت قريب من الشخص ده ليه تقول اصله بيحبنى وانت فين من كل ده . عمرك سالت نفسك قد ايه انت ظالم الشخص اللى بيحبك؟؟ وبدل ما تكون مجروح من اللى بتحبه بتبقى جارح من اللى بيحبك فى حل بسيط لو خدنا المثل وعدلناه بدل ما يكون خد اللى بيحبك بس خليه خد اللى بيحبك وبادله الحب انت كمان اصله يستحق كتير اصله شاريك وانت اغلى حاجه عنده وخليك مراعى ربنا لانك هتتسال عن القلب اللى ظلمته ونصيحه منى بلاش تفكر فى يوم تاجى على اللى بيحبك علشان تفضل مع اللى بتحبه وكفايه نتكلم دايما اننا نقرب اللى بيحبونا مننا خلينا كمان نحبهم وهتبقى الحياه اجمل وبكده معانا تلات مبادئ : الاول "وكن لنفسك كل شئ" والتانى"لو كان خيرا لبقى " والتالت "خد اللى بيحبك بادله الحب والاخلاص" لو دمجت التلاته فى بعض هتعرف الاشخاص اللى يستحقوا يفضلوا فى حياتك
